மனங்களின் பரிமாற்றங்கள்...- - யூத்ஃபுல் விகடனில்

இந்த கவிதை யூத்ஃபுல் விகடனில் வெளியிடப்பட்டுள்ளது ...

நன்றி யூத்ஃபுல் விகடன்..

http://youthful.vikatan.com/youth/nanalpoem28072009.asp

மனங்களின் பரிமாற்றங்கள்...

காதலிக்கிறேனென என்
கரங்கள் தீண்டியதில்லை நீ...
பரிசுகள் பலதந்து எனை
அதிர்ச்சியில் ஆழ்த்தியதில்லை நீ...
ஆசை மொழிகள் பேசி எனக்கு
வெட்கம்தனை அறிமுகப்படுத்தியதில்லை நீ...

கண்ணுக்கு புலப்படா
நம்மிரு மனங்கள்
என்ன பரிமாறிக்கொண்டனவோ...

உன்னொருத்தனுக்காகவே என்னுள்
நாணம் பூக்கின்றது...
உன்னொருத்தனுக்காகவே பரிசுப்பொருட்கள்
பலதை சேமிக்கின்றேன்...
உன்னொருத்தனின் கைப்பற்றவே
வாழ்நாள் தோறும் காத்திருக்கின்றேன்...

நம் மனங்களின் பரிமாற்றங்கள்
உனக்கேனும் தெரிந்தால்
எனக்கு புலப்படுத்துவாயா?

நன்றி,

நாணல்

உரிமைகள்...

என் தனித்துவம் தொலைத்து

முகம் தெரியாத உனக்காகவும்

உன் உறவுகளுக்காகவும் வளர்க்கப்படுகிறேன்...

உன் வருகைக்கு

பிறகாவது விடியுமெனப் பார்த்தால்,

விடியாது நீயும் உனக்காகவே

என்னை செதுக்கிக் கொள்கிறாய்...

பறிக்கப்படும் உரிமைகள்

உள்ளதென உணர்த்தாமல் இருந்திருக்கலாம்,

சுயம் தொலைந்த என்

கண்ணீராவது எனக்காக எஞ்சியிருக்கும்

நன்றி,

நாணல்