தீட்டிய திட்டப்பணி
நேரத்தே முடிவுற
இரவு பகல் பாராது
தனிப்பட்ட வாழ்க்கை மறந்து
எமக்கு இணையாய்,
சிலநேரம் - இன்னும் அதிகமாய்
உழைக்கும் கன்னியர்களும் உண்டு
எம் திட்டக்குழுவில்!
உழைப்பை அங்கீகரிக்கும்
விருதுகளுக்கான
பட்டியலை வாசிக்கையில்
எம் எண்ணிக்கைக்கு இணையாய்,
சிலநேரம் - இன்னும் அதிகமாய்
நிலைக்கும் பெண்டீரும் உண்டு
எம் திட்டக்குழுவில்!
எம்மில் அவர்கள் என்னக்குறைவென
எம் வாழ்க்கைத் துணைவியாக
எமக்காக வாழவிருக்கும்
அவர்களிடமே தட்சனை கேட்கிறீரே
இது
எம்மை விலை பேசுவதற்கு சமமன்றோ!
நன்றி,
நாணல்
2 comments:
விலை மாதர்களிடம் விலை போகம் மாந்தர்களை என்ன சொல்ல
வாழ்வே நீ தான் என்று வரும் துணையின் வரவே பெரிது என்று என்னாதவர்கள், "வரவு" எதிர்ப்பார்க்கின்றனர்
இதைச்சொல்லி சொல்லி இன்னும் எத்தனை காலம் தான் செல்லும் எனத்தெரியவில்லை ...
:( உண்மை தான் ஜமால்
காலம் தன் பதில் சொல்லக்கூடும்...
Post a Comment